Gorputzaren indarra erabiliz gailuak kargatzeko sistema

Azken urteetan eman diren aldaketa teknologikoek gizartearen ohiturak aldatu dituzte, batez ere gazteen artean. Izan ere, gailu eramangarri kopurua asko gehitu da, horrek dakarren energia kontsumoarekin batera. Baina ez da, zoritxarrez, aldaketa bakarra izan. Gailu elekroniko hauek sedentarismorako joera ere gehitu baitute. Arazo honi konponbide bat ematen saiatu gara, norbere energia energia elektriko bihurtzen duen gailua sortuz.
Nombre del grupo
Ger
Participantes
  • Cosme Gartzen None
  • Mikel Pinedo None
  • Itsaso Olea None
Profesor/a o tutor/a
Olatz Madarieta eta Xiomara Gezuraga
Nombre del centro escolar
Barrutialde BHI
Nivel
batxilergoa2
Municipio
Arratzu
Provincia
Bizkaia
Idioma
Euskara
Ambito del proyecto
  • Biología-Geología
  • Física-Química
  • Ingeniería-Tecnología
Tipo de proyecto
Ambos
Informe del proyecto

application/pdf Descargar — 294 KB


Ikertzaileen balorazioak

Ekain Payán Ellacuria  

Derecho y bioética       

UPV/EHU

Proiektu benetan interesgarria; izan ere, egun eta etorkizun hurbilean nagusi izango den gaitzetako bati (alegia, sedentarismoari) aurre egiteko proposamen berritzailea egiten da teknologien karga sistemari esker. Orobat, hainbat diziplina lotzen ditu zuen STEAM proiektuak, eta ikerketa munduan oso gomendagarria izaten da egiten dena egiten dela diziplinartekoa izatea, hau da, ahalik eta jakintzagai gehien lotzea. Hortaz, zorionak Cosme, Mikel eta Itsaso ideia hain erakargarria izateagatik!
Bideoari dagokionez, ondo ikusi da zein metodologia erabiliko duzuen egitasmoa lortzeko, baina, musikaren ordez, agian erakargarriagoa izango litzateke partaideen azalpenen bat jasotzea.
Txostenak ere ondo justifikatzen du zuen ikerketaren beharra. Kontu formal gutxi batzuk aipatzearren, "abstract" atala ingelesez idazten da, eta horren baliokidea, "laburpena", berriz, euskaraz. Orobat, estekak erabili dituzue aipatutakoa bidezkotzeko. Hori egitea oso garrantzitsua da, baina ohikoena izaten da oin oharretan eta amaierako bibliografian horiek guztiak batzea, testuan bertan baino. Horrekin batera, grafikoak eta taulak eranskin gisa jasotzen dira, eta orrien zenbakia jartzea ere komeni da.
Kontu txiki horiek alde batera utzita, ideia benetan baliagarria da zuena eta, ziur asko, ibilbidea izan lezake zuen ibilbide profesionaletan. Hortaz, horrekin jarraitzera gogotik animatzen zaituztet. Segi horrela, Gero!

___

Iban Ubarretxena Belandia       

Biologia Estructural, Bioquimica y Biofisica        

Instituto Biofisika (UPV/EHU, CSIC)        

UPV/EHU

Kaixo, gazteak! Lan bikaina egin duzutela iruditzen zait, zorionak beraz!

Aurrera eramateko aukeratu duzuen lana, alegia gorputzaren indarra erabiliz gailuak kargatzeko sistema bat garatzea asko interesatu zait. Gaiak egunkortasun handia du, eta gure gizarteak osasuna eta ingurumenarekin dituen erronkei erantzuna ematen saitzea oso garrantzitsua eta aproposa dela iruditzen zait. Bideoa ere bikain!

Proiekatuaren inguruan egindako azterketa eta kudeaketa egokiak iruditu zaizkit. Gainera argi dago proiektuak ikuspuntu eta partaide anitz dituelarik asmo handikoa dela. Aurrera begira, gustatuko litzaidake jakitea nola jarraitzen duzuen proiektu honekin lanean.

Nere ustez interesantea izango litzateke arraunean eta txirrindularekin batera, oinez edo egunerokotasunean eginten ditugun mugimendu arruntekin gailuak kargatzeko sistema bat garatzen baduzute. Azken honek beharbada osasunean ondorio gutxiago izango lituzke, baino aldi berean kirolarik egiteko gai ez direnentzako, helduentzako adibidez, baliogarria izango litzateke. Zuei gehiago laguntzeko ideia bat besterik ez da.

Bukatzeko, zorionak eman nahi dizkizuet proiektuagatik eta animo ikerketaren hurrengo pausoekin.

Agur bero bat.