Elhuyar Zientzia Azoka | Gipuzkoa

2022-2023 ikasturtean ere Elhuyar Zientzia Azoka ekimena abian da, eta atseginez jakinarazten dizuegu Kutxa Fundazioaren parte hartzea izango dugula Elhuyar Zientzia Azoka – STEAM Gipuzkoa azoka gauzatzeko, maiatzaren 6an Tolosan.

Izen-emate orokorra egiteko epea zabalik dugu urriaz geroztik; hemen izena emateko formularioa

Izen-emate orokorra egiteak aukera ematen die Gipuzkoako ikastetxeei parte hartzeko bai Elhuyar Zientzia Azoka nagusian bai Elhuyar Zientzia Azoka | STEAM Gipuzkoan.

Elhuyar Zientzia Azoka | STEAM Gipuzkoa 

- NOIZ: maiatzaren 6an, goizez

- NON: Tolosan

- NORK PARTE HARTU: Elhuyar Zientzia Azokan izena emanda, Gipuzkoakoan ere parte hartzeko nahia azalduko duten proiektu-taldeek. Derrigorrezkoa da Elhuyar Zientzia Azokaren ikasturte prozesuan izena emanda egotea: formularioa. Martxoan zabalduko dugu bai Bilbon bai Tolosan tokia eskatzeko formularioa.

- BESTE EZAUGARRIAK:

  • Proiektua egin eta azaltzeko prest egotea nahikoa da, ez da txosten eta bideorik egin behar
  • Topaketa izaera izango du, ez dira proiektuak ebaluatuko, baizik eta helburua proiektuak erakustea izango da
  • irakasleekin trebakuntza edo/eta informazio-saioren bat egingo da.

Kontuan hartzekoak, orokorrean:

- Orain izena emateak ez du derrigortzen azoketan parte hartzera, ez batean ez bestean, baina proiektua egiteko ikertzaile baten aholkuak izan ditzakezu bidean; eta azokaren batean (Bilbon edo Tolosan) parte hartu nahi izatera, orain izena eman behar da izen-emate orokorrean.