Euskal Zientzia,Teknologia eta Berrikuntza Sarea

 

 

Entitate edo enpresa hauek osatzen dute Elhuyar Zientzia Azoka proiektuaren zientzia eta teknologia sarea:

Eusko Jaurlaritzako Hezkuntza Saileko Berritzeguneetako Natur Zientzietako eta Teknologiako aholkulariekin aritzen gara lankidetzan. Hezkuntza Sailak, orobat, proiektua ekonomikoki sustatzeko ekarpena egiten du.

Bilboko Udalak Elhuyar Zientzia Azoka finantzatzen du, eta, gainera, antolamenduan eta zabalpenean ere inplikatzen da.

Bizkaiko Foru Aldundiaren diru-ekarpena eta lankidetza ditu, orobat, proiektuak, eta Bizkaiko Foru Aldundiaren Ekonomia Sustatzeko Sailak bultzatuta eratutako Bizkaia Talent-en bidez, gazteen formaziorako baldintzak jartzen dira.

Nafarroako Gobernuak laguntza ekonomikoa emateaz gainera, Nafarroako ikastetxe eta irakasleekin harremana sendotzen laguntzen du eta zabalpenean ere inplikatzen da.

Euskaltel Fundazioak eta ERABIk, finantziazioaz gain, profesionalak eta instalazioak jartzen dituzte Elhuyar Zientzia Azokaren mesedetan.

Ikertzaileen ekarpena eskaintzen duten erakundeak. Euskal Herriko bost unibertsitatek ikertzaileak eskaintzen dituzte, taldeei aholkularitza emateko. Hauek dira, hain zuzen ere: UPV/EHU, UEU,  NUP, MU-Eskola Politeknikoa, Deustoko Unibertsitatea eta Digipen. Unibertsitateez gain, Ikerbasquek, BCMaterials-ek, CICnanogunek, CFM - Materialen Fisika Zentroak, BizkaiaTalent-ek eta Neiker-Tecnaliak ere bideratuko dituzte ikertzaileak proiekturako.

MILSET mugimendua (Mouvement International pour le Loisir Scientifique et Technique): MILSET mugimenduko kide da Elhuyar 2016tik, eta, aliantza horren bidez, nazioarteko eta mundu mailako esperientziak eskaini ahal izango dizkiegu gure gazteei, dela beste herrialde batzuetako zientzia-azoketara edo zientzia-udalekuetara joateko, edo bestelako zientzia- eta teknologia-bizipenak izateko.

Estatuko eta nazioarteko bestelako zientzia-azokak. Elhuyar Zientzia Azokaren pareko beste azoka batzuekin hitzarmenak sinatuak ditugu; hain zuzen ere, gaur egun, bost azokarekin dauzkagu halako hitzarmenak: ExporeceI giovani e le scienze antolatzen duen FAST erakundea, Cambreko Open Science azoka, Expo Recerca Jove antolatzen duen MAGMA gazte-elkartea, Galiciencia antolatzen duen Tecnopole Parke Teknologikoa, Galiziako A Coruñan antolatzen den Open ScienceCambre eta Mostra Nacional Portuguesa azoka antolatzen duen Portugaleko Fundação da Juventude.

Gazteei zientzia- eta teknologia-egonaldiak eskaintzeko eragileak. Tecnalia eta IK4 korporazioekin, CIC nanoGUNECFM-Materialen Fisika Zentroa eta BCMaterials euskal zentroekin, TZBZren The Makery-rekin, Neiker-Tecnaliarekin eta ERABI enpresarekin harreman estua dugu Elhuyar Zientzia Azoka proiektuan. Horiekiko lankidetza bi arlotan egiten da: alde batetik, haien zenbait ikerketa-zentrotan egonaldia egingo dute talde irabazleek, eta, bestetik, epaimahaikide-lanetan aritzen dira. Horrez gain, bidean sor daitezkeen bestelako lanetarako ere kide ditugu eragile horiek, esaterako komunikazioan eta zabalpenean.

Zientzia- eta teknologia- museoak. Gazteen zientzia-kapitala handitzeko helburuarekin, familian edo kuadrillan hartzen dituzte museoek gazteak, Elhuyar Zientzia Azokaren inspirazio-fasean, eta baita ondoren ere, sari gisa. Iruñeko Planetarioa-STEM Planeta dugu horretarako lagun.

Bilboko Alde Zaharreko Komertzianteen Elkartea ere inplikatzen da Elhuyar Zientzia Azokaren egunaren antolaketan.

Nafarroako Zientziaren Lagunen Kluba ere bidelagun dugu Zientzia Azoka proiektuan.