SAMANIEGO IPI. ORTUKO LURRA ETA TRATAMENDUAK HOBETUZ

Ortuaren lur moten eta erabili beharreko tratamenduen inguruko ikerketa burutuko dugu, hurrengo urtetarako ortu ekoizpena hobetzeko. Horretarako letxuga eta tulipanaren hazkundea aztertuko ditugu egoera desberdinetan.

Partaideak

  • XABIER
  • OLAIA
  • LAILA
  • MICHELLE
  • -
Ikastetxea
SAMANIEGO IPI
Maila
dbh4
Irakaslea / tutorea
JON MUXIKA PEREA
Herria
Gasteiz
Probintzia
araba
Lanaren izena
ORTUKO LURRA ETA TRATAMENDUAK HOBETUZ
Lanaren deskribapena
Samaniego IPI ikastetxeko ikasle talde bat gara, beste hainbat ikaslerekin batera eta HAUSPOA programaren barruan, eskolako ortu proiektuan parte hartzen dugunak. Ortuaren lur moten eta erabili beharreko tratamenduen inguruko ikerketa burutuko dugu, hurrengo urtetarako ortu ekoizpena hobetzeko. Horretarako letxuga eta tulipanaren hazkundea aztertuko ditugu egoera desberdinetan.
Lanaren eremua
ingurumena / Ekologia
Proiektu mota
Ikerketa proiektua
Lanaren plangintza

HELBURUA

Gure orturako lur mota eta tratamendu egokiena aurkitzea. 

HIPOTESIA

Erositako lur sakuaren lurra ongarriarekin tratatuta gure landareen hazkunde handiena bermatuko duen egoera izango da.

IKERTUTAKO ELEMENTUAK

Letxuga eta tulipana landatzea erabaki dugu eta eskolako barruko gela batean sartuko ditugu. Nekazaritza teknikari batek esan digu, kontutan izanda epeak (Apirilerako txostena eginda izan beharko dugu), landare hauekin eta beroago dagoen barruko gela batean izanda hazkuntza desberdintasun  handiagoak aurkituko ditugula. 
 
IKERKETAREN ALDAGAIAK
 
a) Aldagai askeak
 
3 lur desberdin erabiliko ditugu (ortua, pinudia eta erositako lur sakua) eta lur bakoitzetik hiru loreontzi izango ditugu: 
 
1. bakarrik lurra
2. lurra + konpost
3. lurra + ongarria
 
b) MENPEKO ALDAGAIAK
 
Lurraren egitura neurtuko dugu:
 
- Are, buztin eta limo proportzioak
- Materia organiko maila
- Nutriente maila
- pH-a
 
Bi landareen hazkundea neurtuko dugu:
 
- Letxuga: orri kopurua, zabalera, luzera, altuera
- Tulipana: luzera
 
METODOLOGIA
 
Guztira 9 loreontzi letxuga eta tulipan banarekin eta astero ureztatuko ditugu eta beraien hazkuntza neurtuko ditugu. Lur moten ezaugarriak ondoren aztertuko ditugu. Azkenik datuak batu eta gure hipotesia betetzen den ala ez egiaztatuko dugu.
 
PLANGINTZA
 

- 1. Aukeratu gaia eta metodologia: 2018ko Abendua

- 2. Ikerketa materiala prestatu: Urtarrilaren 15

- 3. Txotenaren aurkibidea egin: Otsailaren 1

-4. Ikerketa: Otsailaren 1. astetik Apirilaren 6 arte

- 5. Txostena bukatu: Apirilaren 17a

- 6. Zientzia Azoka Bilbon: Maiatzaren 11a

 
Proiektuaren txostena

application/pdf ORTUKO LURRA ETA TRATAMENDUAK HOBETUZ_SAMANIEGO IPI.pdf — 3164 KB