Basoaren gaueko oihartzunaren ulua: urubia 1

Biologia eta geologia ikasgaian ornodunen gaian, ikerketa proiektu bat bideratu dugu urubiaren presentzia Otsagabiko herrian zein den jakiteko eta bere ezaugarri fisikoak, habitata, elikadura eta bizi zikloa hobe ezagutzeko. Hezkuntza metodologia POI (Proiektuan Oinarritutako Ikasketa) bat da, non ikerketa txertatu dugun.
Taldearen izena
Urubia 1
Taldekideak
  • Noa Gazpio Eseverri
  • Egoi Sanz Leiva
  • Oihan Viscarret Moler
Irakaslea / tutorea
Puy Zaurritz Jaso
Ikastetxea
Otsagabiko DBHI
Maila
dbh1
Herria
Otsagabia
Probintzia
Nafarroa
Hizkuntza
Euskara
Lanaren eremua
  • Biologia / Geologia
  • ingurumena / Ekologia
Proiektu mota
Ikerketa proiektua
Proiektuaren txostena

application/pdf Deskargatu — 362 KB

Posterra

application/pdf Deskargatu — 659 KB

Ikertzaileen balorazioak

LEIRE SAN-JOSE

 FACULTAD DE ECONOMÍA Y EMPRESA - UPV/EHU

Zorionak!! Zelako lan polita egin duzue! Basoaren gaueko oihartzunaren ulua

Abere mundua benetan bikaina da, eta gure ingurugiroan dauden gauzetaz arduratzea benetan polita eta miresgarria da. Ikerketa benetan ez jakintza jakindurian bihurtzean datza. Horrela gehiago jakin, deskribatu, baina horrekin bat zeozertan lagundu ahal badugu bikain! Nik biologian aditua ez naiz, baina mendira noanean abereak entzun eta sentitzea polita da, beraz zuek bizi izan ahal duzue eta etorri direnak ere horrelakoak sentitu ahal izatea ere espero dut. Bideoa eta bidalitako argazki eta dokumentuak benetan onak! Zelako laguntzaileak ere izan dituzue, dena bikaina!

Harira joanda, oso ondo eraman dituzue soniuak eta frogen batuketa, eta baita kontrola. Datuen bilketa eta berrikusketa ere, oso ona izan dela uste dut.

Bestalde, zelan lagundu ahal diegun bertan beraien hazkunde normala izan dezaten ere aztertzearen berri izatea gustatutko litzaidake; hori izan daiteke zuen ondorengo pausua. Bukatzeko, hurrengoan txostenean emaitzak eta ondorioak banatutzea proposatzen dizuet, eta izan dituzuen arazoak gehiago zehaztea, zuei gehiago laguntzeko.

____

Begoña Altuna

Hizkuntzalaritza UPV/EHU

"Zorionak egindako esperimentuagatik!

Oso garrantzitsua da norberaren inguruan gertatzen dena aztertzea. Otsagabia naturan murgilduta dagoen herria da eta gizakiak beti bizi izan dira animalia eta landareekin elkarekintzan oso ekosistema konplexuan. Ikusi besterik ez dago urubiek, herritik urrun dauden zuhaitzak aukeratu ordez, gizakiek eraikitako elizako dorrea nahiago dutela. Esperimentua oso ondo planteatuta dago, hasiera batean lanketa teorikoa baitu eta gerora esperimentu enpirikoa egiten baita. Gainera, neurketak egitean herriaren egitura ere kontuan hartzen da. Gazteek, urubiei buruz ikasteaz gain, metodo zientifikoa eta txosten zientifikoen idazketa ere landu ahal izan dute. Lanketa horren ondorioz, ondo antolatutako aurkezpena, posterra eta txostena egin dituzte. Txostenak esperimentuaren metodoari buruzko informazio zehatza eta aberatsa du. Ondo deskribatzen dira estazioak eta neurketarako uneak.

Esperimentuan faltan bota izan dut urubien soinuei buruzko informazio gehiago. Nolakoa da erreklamoa? Zenbat dezibelekoa izan ohi da? Zer eragin du inguruko urubiengan? Soinuz erantzun zuten? Hegan egin zuten?

Etorkizunean, Otsagabia eta inguruetara hurbiltzen diren turistentzako informazioa gara zitekeen esperimentuan ikasitakoekin. Ondorioz, proiektua hasi besterik ez da egin!