EAE-ko gazteen kanabis kontsumoaren normalizazioa

Ikertzaileen balorazioak

Lehenik eta behin, zorionak Pau, pil-pilean dagoen aztergai batekin ausartzeagatik eta ikerketa metodologia kualitatibotik bideratzeagatik!

Ni neu ere gizarte zientzietan nabil eta, gizartearen kide garen heinean, geroz eta argiago daukat: ikerketak soziala behar du izan, zu bezalako ikertzaile gazteen kuriositatetik ezagutza kolektibora jauzia emateko.

Eskertzekoa da grafikoetan eskainitako datu orokorretatik abiatuz elkarrizketen bidez sakondu eta kalea zapaltzea, profil kontrajarri bi alderatuz. Honen inguruan, interesgarria eta aberasgarria litzake elkarrizketatuen testuingurua ezagutaraztea (adina, maila sozioekonomikoa edota bizilekua), errealitatearen irudi osatuago bat izateko. Bestalde, hizkuntza apur bat zaindu, grafikoak euskaratu eta txostenean txertatu, eta agian izenburua berridaztea gomendatuko nizuke; zuzentasuna eta ikusgarritasuna emango baitie proiektuari. Zer deritzozu, esaterako, kalamuaren kontsumoa euskal gazteen artean: normalizatua al dago?

Esandakoa, zorionak, animo eta segi ikertzen!

Asier Gonzalez Artetxe

Hezkuntza eta Kirol Fakultatea - UPV / EHU