Eguzkitako Botika Krema

Ikasleek eguzkitako krema jasangarri bat ekoiztu behar dute. Horretarako, Biologia eta Ingurumen Zientziak (kremaren inpaktua itsasoan), Fisika eta Kimika (kremaren produkzioa), Marrazketa eta Teknologia (ontziaren diseinua eta fabrikazioa 3D inprimagailuarekin) eta Matematika (inkestak) irakasgaiek erronka dute eta proiektuari bere ekarpena egiten diote. Diziplinarteko proiektu bertikal bat da eta ikasleek curriculumeko elementuak, STEM barne, garatzen dituzte. Agenda 2030 proiektuarekin lotuta dago eta unibertsitateko ikerlariekin (UPV-EHU) eta industria eragileekin (Maier S.L.) lan egiten da.