Ernetze kutsatua

Ikerketa-proiektu honetan brokoli eta letxugaren haziak ernetu dira petri plaketan hiru kutsatzaile ezberdinekin: lixiba, detergentea eta arropa tintea. Kutsatzaileen kontzentrazio desberdinekin disoluzioak egin dira. Emaitzetan aztertzen dena ondorengoa da, zenbat eta kutxatzaile-kontzentrazio handiagoa izan disoluzioan, kasu gehienetan, orduan eta txikiagoa izango da landarearen tamaina.
Taldearen izena
Ernetze kutsatua
Taldekideak
  • Alma Rivadeneira .
  • Yineiry Bautista .
  • Jon Redín .
Irakaslea / tutorea
Elixabet Oiartzabal Arano
Ikastetxea
IES Usandizaga Peñaflorida Amara BHI
Maila
dbh4
Herria
Donostia
Probintzia
Gipuzkoa
Hizkuntza
Euskara
Lanaren eremua
  • Biologia / Geologia
  • ingurumena / Ekologia
Proiektu mota
Ikerketa proiektua
Proiektuaren txostena

application/pdf Deskargatu — 3460 KB

Ikertzaileen balorazioak

Kaixo Alma, Yineri eta Jon:

Oso lan ona egin duzuela uste dut, zientzia lana behar izan dituen osagai guztiak baitauka, eta oso ondo idatzita dago. Gaur egun giza-zahartze arloan datza nire ikerketa, baina nire ibilbide zientifikoa industriako hondakin-uren deskontaminazioari buruzkoa zen, organismo fotosintentikoak (zianobakterioak hain zuzen ere) erabiliz. Beraz, ilusioa egin dit zure lana berrikustea.

Lana oso ondo justifikatu egin duzue, eta testuak badauka behar izan duen azpiatalak. Horrez gain, azpiatal bakoitzean dagokion informazioa agertzen da, oso era egokian. Eskertzekoa da ere, “eskerronak” atala egotea. Beraz, nire ekarpenak alderdi formal batzuetan oinarrituko dira, eta etorkizunean garatuko duzun lanaren kalitatea hobetzea espero dut.

  • Aditz denborak:
  • Sarrera eta eztabaidaren zati batzuk: orainaldian.
  • Laburpena, metodología, emaitzak, eztabaidaren zatiak eta ondoriak: iraganean.
  • Irudiak eta taulak:
    • Testuan aipatu behar dira, orrian agertu aurretik ( 1. Irudia, 2. Irudia……/1. Taula…)
    • Irudiak zenbait parte edukitzekotan, aipatu behar dira: A, B, C….
    • Irudiek “oina” eduki behar dute, beheko partean jarri: Irudia: azalpena, blabla…
    • Antzeko kontu bat tauleki, baina kasu honetan, Taularen gainean jarri behar da.
    • Azkenik: eskertzekoa izango litzateke grafikotan agertzen diren letren neurria pixka bat handiagoa izatea (errebisore batzuk adinekoak baikara, eta zaila dugu hain letra txikia irakurtzeko) ;-)
  • Aipatutako bibliografia ondo dago. Hala ere, estiloa hobetu nahi baduzu, esteka honetan argibide baliogarriak eskurragarri daude: https://addi.ehu.es/bitstream/handle/10810/42398/Gu%C3%ADa-Gidaliburua.pdf

 

Begoña Sanz Echevarría

Medikuntza eta Erizaintza Fakultatea

Euskal Herriko Unibertsitatea (UPV/EHU)