Lo egitearen garrantzia

Txikitatik irakatsi digute lo egitea garrantzitsua dela, baina zergatik izango ote da? Jende askok ez dakiena gure bizitzako ⅓ lotan pasatzen dugula da. Hainbat ikerketen bitartez, 60 urte betetzean, 20 lo pasa ditugula frogatuta dago. Orduan, hainbeste ordu pasatzen baditugu lotan, zerbaitengatik izango da ez? Loaren inguruan egin dugu ikerketa.

Taldearen izena

Taldekideak

Danel Boyano
Lander Olasagasti

Irakaslea / tutorea

Usoa Arin Beraza

Ikastetxea

Zurriola Ikastola

Maila

batxilergoa2

Herria

Donostia

Probintzia

Gipuzkoa

Hizkuntza

Euskara

Lanaren eremua

Osasuna

Proiektu mota

Ikerketa proiektua

Proiektuaren txostena

Deskargatu — 852 KB

Ikertzaileen balorazioak

Amaia Mimenza Saiz

Facultad de Medicina y Enfermería

UPV / EHU

Kaixo bioi!

Lehenik eta behin, zorionak eman nahi dizkizuet egindako lanagatik. Lan oso interesgarria eta garrantzitsua iruditu zait benetan.

Oso ondo adierazi duzuen bezala, ondo lo egitea jendeak uste duena baino askoz garrantzitsuagoa da. Nahiz eta kontziente ez izan, lo ondo ez egiteak ondorio larriak izan ditzake gure osasunean. Horregatik, zuek aurkeztu duzuen lan hau ezinbestekoa dela uste dut, izan ere, jendea loaren garrantziaz jabetzera lagundu dezake. Nabari da oso gogor lan egin duzuela proiektu honetan, oso zehatza delako eta oso ondo dokumentatuta dagoelako, eta hori eskertzekoa da.

Lo egiteak akademikoki garrantzi handia duenez, primerakoa iruditu zait burutu duzuen inkesta. Gainera, galderak idazteko orduan beste ikerketa batzuetan oinarritu izanak eta zuen emaitzak beste ikerketetakoekin konparatu izanak zientzialari onak zaretela frogatzen du. Hala ere, eranskinean galdera bat erakustea falta zaizuela uste dut, 9 galdera baino ez direlako agertzen eta 10 galderako inkesta erabili duzuela adierazten duzuelako.

Lortu dituzun emaitzak oso interesgarriak direnez, zuen lana unibertsitate mailara eramatea proposatzen dizuet. Oso interesgarria izango litzateke unibertsitateko ikasleei inkesta bera egitea eta lortu ahalko zitezkeen emaitzak Batxilergoko ikasleenekin konparatzea. Honekin guztiarekin, zuen ikerketarekin jarraitzera animatzen zaituztet. Hortik jarraitu, animo!