Mikroplastikoa

Egunerokotasuneko elikagaietan mikroplatikoak aurkitzen direla errealitate bat da. Hau oso arazo larria da, begi bistaz detektatu ezin direlako eta honek nahi gabe kontsumitzea errazten du. Horregaitik, hauek detektatzeko proiektu bat aurrera eraman dugu, tenperatura aldaketetan oinarritzen dena. Bazenekien azaldutakoa plaka sinple batekin egin daitekela? Ikusi ezazu gure proiektua gehiago jakiteko.
Taldearen izena
Mikroplastikoa
Taldekideak
  • Laida Agirre Bernau
  • Maialen Lopez Barbero
  • Ane Bilbao Olabarri
Irakaslea / tutorea
Naiara Mentxaka Fructuoso
Ikastetxea
Lauaxeta Ikastola
Maila
dbh2
Herria
Amorebieta-Etxano
Probintzia
Bizkaia
Hizkuntza
Euskara
Lanaren eremua
  • Osasuna
  • ingurumena / Ekologia
  • Fisika / Kimika
Proiektu mota
Ikerketa proiektua
Proiektuaren txostena

application/pdf Deskargatu — 1140 KB

Ikertzaileen balorazioak

Kaixo denoi!

Lehenengo eta behin zoriondu nahiko nizueke. Eskertzekoa da ikasle hain gazteek honelako lan bat egitea eta hain larria den arazo bati buruz ikertu nahi izatea.

Mikroplastikoak zer diren modu oso zehatz eta argi batean azaldu duzue, zorionak. Pena da baliabide ekonomikoek zuen ikerketarako erabili nahi zenuten kamera termikoa edukitzea ahalbidetu ez izana. Hala ere, zientzialariok gehienetan topatzen gara ildo horretako arazo ekonomikoekin, beraz, alternatiba bat bilatu izana (sticker termokromatikoa) zientzialari onak zaretela iradokitzen du. Gainera, erabilitako teknikaren mugak aipatzea zientzialari onen praktika bat da.

Beste aldetik, oso ondo egituratu duzue testua, ideia nagusiak azpimarratzeak lanaren ulermena errazten baitu. Halaber, goraipatzekoa da zuen proiektuan lagundu dizueten pertsonei eskerrak eman izana. 

Bestalde, lanean lortu dituzuen emaitzak grafiko batean erakustea gomendatuko nizueke, aipatzen dituzuen ondorioak indartzeko. Bukatzeko, hurrengoan txostenean bibliografia idaztea proposatzen dizuet, ematen duzuen informazioa iturri fidagarrietatik atera duzuela frogatzeko. Guzti honekin, etorkizunean nahi duzuen ikerketa egiteko aukera izatea espero dut. Ikerketarako grinarekin jarraitu, animo!

 

Amaia Mimenza Saiz

Medikuntza eta Erizaintza Fakultatea

Euskal Herriko Unibertsitatea (UPV/EHU)