Sabai Berdeak

Gaur egun, eraikinen tenperatura erregulatzeko gastuak gero eta altuagoak dira, batez ere gure ikastetxean. Gure helburua berogailua edo airea erabili behar ez izatea da, gelan gustura egon ahal izateko, baina lehen aipatutako gastuak murriztuz. Horretarako, uste dugu sabai berdeak ipintzea ideia ona izango litzatekeela gure helburua lortzeko. Hauek eraikinaren tenperatura mantentzen dute, hau da, neguan beroa mantentzen dute eta udan hotza. Ekonomikoki ez ezik, ingurumenarentzat ere onuragarriak dira. Energia aurrezteaz gain, airea ere garbitzen dute, biodibertsitatea handitzen dute eta, aldi berean, berdegune gehiago landatuko dira.