SUPER FUNGI ETA SUPER BAKTERIOAK GIZAKION KRIPTONITA

Azken urteetako antibiotiko eta antifungikoak diren sendagaien kontsumo irrazionalak, bizidunon kalterako, bakterio eta onddoen erresistentzia ekarri du. XX. mendetik aurrera, antibiotikoekiko erresistentzia frogatzen zuten esperimentuak egiten hasi ziren. Mikroorganismoek garatu duten erresistentzia klinikoa dela eta, sendagai horien eraginkortasuna galtzen ari da infekzio eta gaixotasun larrien tratamendua zailduz eta heriotza arriskua areagotuz. Era berean, ezaguna da nekazaritzan fungiziden aurkako erresistentzia handitzen joan dela 70 hamarkadatik aurrera, produktu hauen eragikortasuna jaitsiz. Beraz, gure proiektuaren helburua antibiotikoen eta antifungikoen erabilera egoki bat bermatzea da. Horretarako, esperimentu desberdinen bitartez, superfungiak eta superbakterioak identifikatzen saiatuko gara gure inguruneko lurrean eta arrautzetan, hurrenez hurren.