Bilboko Begoñazpi ikastetxeko gazteak CFMn izan dira bisitan
2019/10/25
![](https://zientzia-azoka.elhuyar.eus/eu/albisteak/bilboko-begonazpi-ikastetxeko-gazteak-cfmn-izan-dira-bisitan/@@images/9ece452a-a211-40bc-95f9-3ab311d4b225.jpeg)
2019ko Elhuyar Zientzia Azokan irabazi zuen Bilboko Begoñazpi ikastetxeko gazte-taldeak CFM- Materialen Fisika Zentrorako bisita "Astronautak espazioan daudenean emozioen eragina" proiektuarekin.
Bilboko Begoñazpi ikastetxeko DBH4 mailako gazteak urriaren 25ean CFM- Materialen Fisika Zentroan izan dira bisita turorizatuan. ‘Elhuyar Zientzia Azoka 2019’ azokan ‘Astronautak espazioan daudenean emozioen eragina’ lanagatik lortutako aipamena da; egileak June García, Ander Corral, Martina Usobiaga eta Naia Bilbao dira, eta atzoko eguna baliatu zuten bizipen hori izateko.
Elhuyar Zientzia Azokako aipamenaren arrazoiak hauek izan ziren: “Gaiak psikologia eta teknologia uztartuz zeharkakoa eta originala izateagatik, tresna konplexuak eta erabilera ere konplexua izateagatik, komunikazio onagatik, eta metodologia eta lan-antolaketa ona egiteagatik”.
Gazte-taldea eta irakaslea, Julen Kortajarena Urkola, izan dira CFMn.