Oinarriak

Izena emateko FORMULARIOA 

Kategoriak

  •  1. kategoria: DBH 1-2
  • 2. kategoria: DBH 3-4
  • 3. kategoria: Batxilergoa
  • kategoria berezia (erakustaldi hutsa, sarietatik kanpo):
    • Lanbide Heziketa
    • 4 ikasle baino gehiago standean edo proiektua 4 baino gehiagok eginda.
    • 4 ikasle gela osoaren ordezkari.
    • Proiektu bera hainbat aldiz, gela berekoak eta atal batzuk batera eginda.
    • Profesional batek gidatutako proiektuak (profesionalak aholkularitza baino gehiago egin duenean, proiektua lideratuta edota atal batzuk berak eginda). 

 

Zalantzak argitzeko: zientzia-azoka@elhuyar.eus (Danel Solabarrieta) / 943 363 303 Luz. 207

 

Elhuyar Zientzia Azokan parte hartzeko oinarriak

 

  • Hautagarritasuna: parte-hartzaileek, oinarrietan ezarritako hautagarritasun-baldintzak bete behar dituzte: adina (12-18 urte), Euskal Herrian bizitzea eta taldeak , gehienez, 4 kidekoak izatea. 

  • Gaia: STEAM arloetako edozein (gizarte-zientziak barne). Artearekin lotutako proiektuak ere aurkez daitezke, baldin eta STEM osagaia agerikoa badute.

  • Hizkuntza: proiektuak euskaraz aurkeztuko dira, hau da, azalpenak ebaluatzaileei euskaraz emango zaizkie, euskarriak euskaraz egongo dira, eta bideoa ere euskaraz ekoitziko da. Standean daudenean, azalpenak kaleko entzulearen hizkuntzara moldatuko ahal izango dira. Atzerritik gonbidatuta datozen taldeek gazteleraz edo ingelesez aurkeztu ahal izango dituzte haien proiektuak.

  • Proiektuaren aurkezpena: proiektua aurkeztuko duten ikasleek egina izatea. Azalpenetan STEMeko profesionalek laguntza eman badute, eta adimen artifiziala erabili bada, hori aitortu egin beharko dute. Azalpenak emateko erabiliko dituzten euskarriak euskaraz egon behar dira. 

  • Poster zientifiko-teknologikoa eta azalpen-bideoa bidaltzea: parte-hartzaileek egindako proiektuaren poster zientifiko-teknologikoa eta azalpen-bideo bat bidali behar dituzte.
    • Posterra  2024ko maiatzaren 10erako bidali beharko da, emailez.
    • Bideoa 2024ko maiatzaren 21erako bidali beharko da, Wetransfer bidez, eta gehienez bost minutuko iraupena izango du.  
  • Segurtasuna: irakaslea izango da istripuak edo lesioak saihesteko hartutako segurtasunaren erantzule, azokan esperimentuak edo erakustaldiak egitean. 
  • Bertaratzea: parte-hartzaileak antolatzaileek adierazitako egunean bertaratuko dira Elhuyar Zientzia Azokara (goiz bat). Apirilean egingo da kategoria bakoitzerako egunaren esleipena. 

  • Alderdi etikoa: proiektuetan kontuan hartu beharko dira alderdi etikoari lotutako honako puntu hauek:

    • Ez dira onartuko pertsonentzako edo beste edozein bizidunentzako mehatxua izan daitezkeen proiektuak: segurtasun biologikorik gabeko kultibo mikrobiologikoak, material toxikoak, lehergaiak, etab.
    • Osasunaren inguruko proiektuetan, laginen datu pertsonalak babesteko neurriak hartu direla bermatuko da.
    • Animalia bizidunekin esperimentuak egin dituzten proiektuek alderdi etikoa landuta izan beharko dute (egin denaren eta hartu diren erabakien hausnarketa)

  • Ebaluazioa: zehaztutako errubrikaren arabera hartuko da saridunen erabakia.

  • Epaimahaiaren erabakia: epaimahaiaren erabakia behin betikoa izango da. 

  • Saria: saria jasotzeko, beharrezkoa izango da saritutako partaideak sari-banaketaren ekitaldira joatea, edo, gutxienez, ordezkari bat bidaltzea. Sari-banaketa 2024ko maiatzaren 25ean izango da. Irabazleei telefonoz jakinaraziko zaie, irakaslearen bidez. 

  • Portaera egokia: ikasleek behar bezala jokatu behar dute: gainerako parte-hartzaileekin adeitsuak izan, ekitaldiaren arauei jarraitu eta Elhuyar Zientzia Azokako azpiegiturarekin arduratsuak izan. 

  • Garbiketa: stand-ak aurkitu diren bezala utziko dira; joan aurretik, behar dena garbituko da. 

  • Zaborraren kudeaketa: jasangarritasun-ikuspegia izatea eskatzen da, hala, zabor ahalik eta gutxien sortzea, eta sortutakoa dagokion ontzian jaurtitzea.