Bilboko Unamuno BHI institutuko 'kasSOS' taldeko kideak UEUren Udako Ikastaroetan izan dira, Elhuyar Zientzia Azokan jasotako beka baliatuz

Bilboko Unamuno BHI institutuko Izaskun, Victoria, Alain, Asier, Aitor eta Ibai, Batxilergoko 1. mailako ikasleak UEUko Udako Ikastaroetan dira, konputagailuen arkitektura eta sistemak gaiko Edurne Larraza (@elur_larraza) irakaslearekin. Elhuyar Zientzia Azoka 2017-2018 ekitaldiaren Bilboko saio nagusian aurkeztutako ‘SOYT kaskoak’ lanak jasotako saria gauzatzeko izan dira bertan.

LANAREN EZAUGARRIAK

• Izenburua:
• SOYT Kaskoak
• Taldea eta taldekideak:
• 'kasSOS’ taldea / taldekideak: Izaskun, Victoria, Alain, Asier, Aitor eta Ibai
• Lanaren laburpena:
• Soinu oso altuak, autoen klaxona edo anbulantziako sirena adibidez, detektatzean kaskoen musika geldituko duen gailua. Horretarako soinu-sentsore bat erabiliko dugu dezibelio oso altuak erregistratzean seinalea bidaliko duena plakara. Honek agindua bidaliko du kaskoei musika gelditzeko.
• Saria:
• Programazioaren oinarrizko kontzeptuak ikusteko eta ikasteko ‘Code.org’ plataforman oinarritutako ikastaro-tailerra UEUren Udako Ikastaroetan. bat. Ikastaroa Gazteei egokituta dago, eta gaur egun erabiltzen dituzten jolas eta pelikuletan oinarrituta dago. ‘Code.org’ plataforma erabiltzen hasteko lehen urratsak emango dira.
• Epaimahaiaren erabakia:
  • Ideia originala eta gaur egun gure gizartean gero eta arazo nagusiagoa den bati erantzuna emateagatik.