Elhuyar Zientzia Azokak Erronka Garbia ziurtagiria jaso du
Elhuyar Zientzia Azokak IHOBEren Erronka Garbia ziurtagiria jaso du 2026ko edizioagatik. Bigarren aldiz lortu du aitorpen hori: 2025eko edizioan jaso zuen lehenengoz.
Jasangarritasunaren aldeko konpromisoa
2026ko edizioan, berotegi-efektuko gasen emisioak, energiaren kontsumoa, erosketen eta alokatutako azpiegituren inpaktua eta hondakinen sorrera murrizteko neurriak hartu ziren.
2026ko edizioaren emaitzak
- Parte-hartzaileen % 74,7k garraio publikoa erabili zuen azokara joateko.
- Azokan kontsumitutako energiaren % 56,5 jatorri berriztagarrietatik etorri zen.
- Paperaren erabilera % 7,2 murriztu zen 2025eko edizioarekin alderatuta.
- Erabilitako azpiegitura guztiak berrerabilgarriak izan ziren.
- Bildutako hondakinen % 63 birziklagarriak ziren.
Ingurumen-inpaktua neurtzen
Erronka Garbia ekimenaren bidez, azokaren ingurumen-inpaktua Bizi-Zikloaren Analisiaren metodologiaren bidez kalkulatu da. Azterketak erakutsi du mugikortasunak jarraitzen duela inpaktu nagusia izaten, nahiz eta haren eragina % 3 murriztu den aurreko edizioarekin alderatuta.
Hurrengo erronka: mugikortasuna
Ziurtagiriak Elhuyar Zientzia Azokak jasangarritasunaren alde egiten duen lana aitortzen du, eta garraio jasangarriagoa sustatzen eta ekitaldiaren ingurumen-inpaktua murrizten jarraitzeko bultzada da.
```