Elhuyar Zientzia Azokako ikertzaile boluntarioak STEAM hezkuntzan trebatu dira

2021/01/27
2021eko urtarrilaren 25 eta 26an, trebakuntza-saioa izan dute Elhuyar Zientzia Azokan gazteekin lan egiteko izena emanda dauden ikertzaile boluntarioek, gazteekin jardungo dutenerako oinarrizko printzipioak eskuratzeko.

Euskal Herriko unibertsitate eta zentro hauetako ikertzaileek hartu dute parte:

  • UPV/EHU
  • UPNA / NUP
  • CIC biomaGUNE
  • BCMaterials
  • Deustuko Unibertsitatea / Universidad de Deusto
  • UEU
  • Mondragon Unibertsitatea - MU
  • CFM, DIPC
  • POLYMAT
  • Wellcome Centre for Integrative Neuroimaging, Universidad de Oxford, UK
  • Biocruces
  • Basque Centre for Climate Change (BC3)

TREBAKUNTZA-SAIOAREN IZENBURUA: STEAM profesionalek gazteak inspiratzeko saioa: nola lan egin gazteekin?

EDUKIAK

  • Zer da STEAM hezkuntza
  • STEM posizionamendua
  • Zer diote hemengo gazteek?
  • Ikasleekin kontuan hartzeko gomendioak
  • Ikertzaile batek izandako esperientzia, adibide gisa
  • Ideiak, esperientziak, ohiko arazoak, kezkak, etab. partekatzea

2020-2021eko Elhuyar Zientzia Azokan parte hartzen ari diren gazteek bidelagun izango dituzte ikertzaile boluntarioak, garatzen ari diren proiektuak bideratzeko; Elhuyar Zientzia Azokaren prozesu osoaren pauso bat baino ez da hori. Ikertzaileekin hartu-emanean egon ondoren proiektua gauzatu egingo dute.