Leitzako Amazabal BHI ikastetxeko gazteek zientzia-azoka egin dute ikastetxean, martxoaren 31n
2021/04/06
Bigarren zientzia-azoka da 2021ean egindakoa; lehenengoa orain dela bi ikasturte egin zuten. Lanak ikastetxean bertan aurkeztu dituzte, ikastetxeko ikasleentzat.
6 proiektu aurkeztu dituzte gazteek. Horietatik 3 proiektu DBH3 mailako gazteek egindakoak izan dira eta beste 3 Batxilergoko 1. mailakoak.
DBH 3n ‘Zientzia zure esku’ hautazko ikasgaia dute eta testuinguru horretan garatutako proiektuak aurkeztu zituzten:
3 proiektu horietan 15 ikaslek hartu zuten parte: 8 neska eta 7 mutil. Eta hauek izan dira aurkeztutako lanak:
- Espinakaren kromatografia
- Mezu izkutua
- Azido base erreakzioa azamorea indikatzailea erabiliz.
Batxilergoko 1. mailako proiektuak, berriz, Elhuyar Zientzia Azokarako egindakoak dira. 11 ikaslek hartu zuten parte: 9 neska eta 2 mutil. Eta hauek dira aurkeztutako lanak:
- Leitzako lurraren kalitatea
- Covid 19 pasa duten ikasleei ea ondorioren bat geratu zaien: Birikaren edukieran, usaimenean, eta abar.
- Maskarilletan bizi diren bakterioak.
Ikastetxeko maila guztietako gazteak izan dira ikusleak, eta 380 ikasle inguru pasa ziren standetatik.
Zorionak eginiko lanagatik, eta animo!
