San José - Josefinas ikastetxeko ikasleak Cambreko Open Science azokan izan dira, eta sari berria eskuratu dute

Ourenseko Colegio Plurilingüe San José - Josefinas ikastetxeko lau ikaslek, Aarón Basalo Gonzálezek, Eloi Chao Endrinok, Hugo Otero Armestok eta Irene Aviñoá Riberok, Cambreko (A Coruña) Open Science Cambre (OSC26) azokan parte hartu dute, 2026ko Elhuyar Zientzia Azokan bere kategoriako lehen saria irabazi ostean. Enia Gandara Fernández izan da proiektuaren tutorea.

«Barreras biodegradables: soluciones sostenibles contra los incendios forestales» proiektuan, basoko suteen aurka jartzeko material biodegradagarrizko oztopoak diseinatu eta eraiki dituzte, sua eta errauts-jariatzea nola geldiarazi aztertuz. Beren proposamena Cambreko azokan aurkeztu dute, bertan bildutako beste ikertzaile gazteekin batera.

Aurkezpenaz gain, sari berri bat ere jaso dute Cambren: OSC26k 9. Garapen Jasangarrirako Helburuko (Industria, Berrikuntza eta Azpiegiturak) saria eman die, egindako lanaren kalitatea berretsiz.

Zorionak, bada, bikain egindako lanagatik eta Elhuyar Zientzia Azokan zein Cambren jasotako sariengatik!

Elhuyar Zientzia Azokan parte hartzeak aukera ematen die gazteei nazioarteko azoketan aritzeko eta zientziaren mundura gerturatzeko. Cambreko esperientziak, zalantzarik gabe, arrastoa utziko du Aarón, Eloi, Hugo eta Ireneren ibilbidean.