Solokoetxeko gazteak Exporecerca zientzia-azokan parte hartu dute

2020/03/02
Kataluniako Exporecerca Jove zientzia-azokan hartu dute parte 2020ko otsailaren 26tik 29ra bitartean, Bilboko Solokoetxeko DBHko ikasleak

'Elhuyar Zientzia Azoka 2019' azokan lortutako sariaren emaitza izan da Exporececa Jove zientzia-azokan parte hartzea. 2019ko maiatzaren 11n ospatu zen Elhuyar Zientzia Azoka azoka nagusian Kataluniako Exporecerca Jove azokara joateko saria lortu zuten 'Ur-tantak' lanarekin. Hauek izan ziren epaimahairen arrazoiak lana saritzeko: 'Ideia oso ondo garatu dutelako, gaur egungo arazo bati heldu eta ondo azaltzeagatik, metodologikoki ondo pentsatua, komunikazio zuzena eta originala erabiltzeagatik, adituen laguntza egoki erabiltzeagatik'.

Hona gazteek bere 'Ur-tantak' lanari buruz diotena: 'Uste dugu Arrigunagako hondartza kutsatuta dagoela, eta hori horrela den ikertzea erabaki dugu. Horretarako, marearteko gunea ikertu dugu. Bestalde harean egon daitezkeen mikroplastikoak eta uraren PH-a ere neurtu ditugu.'

Bilboko Solokoetxe BHI ikastetxeko DBH4ko Eneritz, June eta Garazi Bartzelonan izan dira otsailaren 26tik 29ra bitartean,  irakasleak lagunduta. 

Zorionak eginiko lanagatik eta Bartzelponako bizipenagatik!