Elhuyar Zientzia Azokarako proiektuak nola egin aztertzen aritu dira irakasleak
2022-2023 ikasturtean Elhuyar Zientzia Azokan parte hartzeko izena eman duten DBHko eta batxilergoko irakasleei, eta are gehiago izena eman nahi duten irakasleei, inspiraziorako baliagarriak izango zaizkien proiektuak aurkeztu dizkiete. 1 orduko lau saio egin dira, online, gai eta hizlari desberdinekin, 'Elhuyar Zientzia Azokarako proiektu inspiratzaileak' izenburupean; iazko azokara aurkeztutako proiektuen adibideak izan dira ardatz.
1- Mikrobiologia
Trebakuntza honetan 2022ko Elhuyar Zientzia Azokan aurkeztu ziren mikrobiologiako bi proiektu aurkeztu dituzte eta mikrobiologiako proiektuak egiterakoan kontuan izan behar diren biosegurtasunaren inguruko aholkuak ere eman dituzte. Irakasle hauek aurkeztu dituzte euren gazteek eginiko proiektu arrakastatsuak:
- Bakterioen ehiztariak / Zer dago hanburgesen atzean (Amazabal BHI - Ainhoa Ilarramendi Isasi)
- Antibiotikoak, datorren krisi globala (San Fermin Ikastola - Jaione Saez Cabodebilla)
2- Energia berriztagarriak
Elhuyar Zientzia Azokan saria jaso zuen proiektu bat eta energia berriztagarriekin erlazionatutako Elhuyar Zientzia Azokako beste bi proiektu aurkeztu dituzte irakasleek:
- Zapatila Piezoelektrikoak (Bizilabe Bilbo - Oihane Brauer Vega)
- Calefactio solaris (San Fermin Ikastola - Oihana Razkin Aguirre)
- Hondakinak kudeatzeko biodigestorea (Nuestra Sra. De la Antigua - Iker Lopez Paternina)
3- Nekazaritza/Botanika
Elhuyar Zientzia Azokan saria jaso zuen proiektu bat eta landareekin gelan proiektuak egiteko adibideak aurkeztu dituzte irakasleek:
- Kutsaduraren eragina "Bellis perennis" landarean (Biurdana BHI - Maria Jesus Lasarte Sagastibelza)
- Adibide desberdinak (Elhuyar, STEAM Hezkuntza - Joseba Aldasoro Galan)
4- Teknologia/Programazioa
Elhuyar Zientzia Azokan teknologiarekin eta programazioarekin erlazionatutako hiru proiektu aurkeztu dituzte irakasleek:
- Ur kontsumoaren murriztatzailea (Uribarri BHI / Alberto Llamosas Rubio)
- Behin betiko bideokontsola (CF Somorrostro / Asier Alaez Urrutia)
- Dilista dispentsadorea (Sopela BHI / Jaione Torre Ormaza)
Arrakasta handia izan dute saioek, eta guztira Euskal Herriko 188 irakaslek eman dute izena.
Elhuyar Zientzia Azokak Eusko Jaurlaritzaren, Euroeskualdearen, Nafarroako Gobernuaren, FECYT- Fundación Española para la Ciencia y la Tecnología erakundearen (Zientzia eta Berrikuntza Ministerioa), Bilboko Udalaren, Bizkaiko Foru Aldundiaren eta Erabi-ren laguntza ekonomikoa du, eta euskal unibertsitate eta ikerketa-zentro nagusien lankidetza.